Bella figliola ca ti chiami Rosa
chi bellu nomu mamma a te t'ha misu
t'ha misu u nomu bellu di li rosi
lu megghiu ciuri di lu paradisu
bella figliola ca ti chiami Rosa...
Passu di notti e ti salutu strada
cu 'na vampa nto cori e vuci ardita
e nu salutu a mia finestra amata
cca dintra c'è na rosa culurita
rosa chi di li rosi ammuttunata
rosa a tinutu 'n pedi la me vita
passu di notti e ti salutu strada...
iu sta canzuni la lassu stampata
cca dintra c'è na rosa culurita
ti puzzu offriri sulu 'na cantata
sulu sta vuci mi detti la vita
pueti sunaturi e stampasanti
camparu sempri poveri e pizzenti
passu di notti e ti salutu strada...
e nesci rosa t'ha diri 'na cosa(x2volte)
e nesci rosa t'ha diri 'na cosa 'na cosa
e nesci nesci rosa!!!